रविको राहदानी विवादसम्बन्धी रिटको सुनुवाइ न्यायाधीश सिन्हाको इजलासमा

काठमाडौं । राष्ट्रिय स्वतन्त्र पार्टीका सभापति रवि लामिछानेमाथि राहदानी विवादमा मुद्दा नचलाउने महान्यायाधिवक्ताको निर्णयविरूद्ध परेको रिटमा आज सर्वोच्चमा सुनुवाइ हुन लागेको छ ।

न्यायाधीश अनिलकुमार सिन्हाको एकल इजलासमा सुनुवाइ हुन लागेको हो । युवराज पौडेल ९सफल० ले दिएको रिटमा लामिछानेले झुटा विवरण दिएर राहदानी बनाएको अभियोगमा मुद्दा चलाउन नपर्ने भनी महान्यायाधिवक्ताले गरेको निर्णय दुराग्रहपूर्ण रहेको जिकिर गरिएको छ ।

महान्यायाधिवक्ता दिनमणि पोखरेलले यही चैत ६ गते राहदानी विवादमा लामिछानेमाथि मुद्दा चलाउन नपर्ने निर्णय गरेका थिए । रिट निवेदक पौडेलले सो निर्णय उत्प्रेषणको आदेशले बदरहुनुपर्ने माग गरेका छन् । उनले लामिछानेले झुटा विवरण दिएर राहदानी बनाएको दाबी गर्दै उनीउपर मुद्दा चलाउन परमादेश माग गरेका छन् ।