बुटवल । बुटवलको कालिकापथमा हाकाहाकी पैदलयात्रीमाथि लुटपाट गर्ने दुई जनालाई प्रहरीले पक्राउ गरेको छ । २ जना युवालाई मंगलबार बिहान पक्राउ गरिएको ईलाका प्रहरी कार्यालय बुटवलले जनाएको छ ।
पक्राउ पर्नेमा बुटवल–७ स्थायी घर भई हाल देवदह–१० बस्ने २७ वर्षीय दर्पण थापा र पाल्पाको माथागढी–१ घर भएका २२ वर्षीय आकाश सारु रहेका छन् ।
प्रहरीका अनुसार लु ९२ प ५६८३ नम्वरको स्कुटरमा आएका उनीहरुले बुटवलको कालिकानगर स्थित शिवालय मन्दिर नजिकै कामबाट घर फर्किदै गरेका पैदलयात्री दुर्गा बहादुर गुरुङलाई डर त्रास देखाउँदै उनको साथबाट रेड्मी नोट प्रो मोबाइल र नगद ४ हजार ५ सय लुटपाट गरेका थिए । पक्राउ परेका दुबैजनामाथि थप अनुसन्धान अघि बढाइएको प्रहरीले जनाएको छ ।
प्रतिक्रिया