काठमाडौं । नेपाल उद्योग वाणिज्य महासंघको नयाँ कार्यसमिति चयनका लागि मतदान भैरहेको छ ।
काठमाडौंस्थित प्रज्ञा प्रतिष्ठानमा निर्धारित समयभन्दा २ घण्टा ढिलो मतदान सुरु भएको हो। मतदान बिहान ८ बजे सुरु हुने भनिएको थियो ।
अपरान्ह ४ बजेसम्म मतदान भएपछि ५ बजेबाटै साँझ ५ बजेपछि मतगणना सुरु हुनेछ । निर्वाचनमा कुल १९५३ मतदाता सहभागी रहेको महासंघ निर्वाचन समितिले जनाएको छ ।
निर्वाचनमा ५० प्रतिशत मतभार रहेको जिल्ला नगरतर्फ ११७, वस्तुगततर्फ १२३ र एसोशिएटतर्फ १७४८ मतदाता रहेका छन् । यस्तै द्विराष्ट्रियतर्फ ५ जना मतदाता छन् । जिल्ला नगर र वस्तुगततर्फ एक र एशोसिएटतर्फ ३ वटा बुथ कायम गरिएको छ ।
विधानअनुसार महासंघको अध्यक्षमा हालका वरिष्ठ उपाध्यक्ष चन्द्रप्रसाद ढकाल स्वतः चयन हुनेछन् । त्यसैले अर्को पटकको नेतृत्वका लागि वरिष्ठ उपाध्यक्ष पदको चयनलाई विशेष मानिएको छ । वरिष्ठ उपाध्यक्ष पदका लागि उमेशलाल श्रेष्ठ, अञ्जन श्रेष्ठ र रामचन्द्र संघाई मैदानमा रहेका छन् । उनीहरुको आआफ्नो प्यानल रहेको छ ।
निर्वाचनमा कुल ११८ जनाले उम्मेदवारी दिएका छन् ।
प्रतिक्रिया