काठमाडौं । एसिसी प्रिमियर कपअन्तर्गत कतारविरुद्ध निराशाजनक ब्याटिङ गरेको नेपाल १५७ रनमै समेटिएको छ ।
कीर्तिपुरस्थित त्रिवि क्रिकेट मैदानमा टस हारेपछि ब्याटिङमा उत्रिएको नेपाली टिमले ४०.३ ओभरमा सबै विकेट गुमाएर १५७ रन मात्र बनाउन सक्यो । कतारले जितका लागि १५८ रनको सामान्य लक्ष्य पाएको छ ।
सन्दीप लामिछानेले ४२ रनको अविजित पारी खेले पनि अन्य कुनै पनि ब्याट्सम्यानले उल्लेख्य प्रदर्शन गर्न सकेनन् ।
कप्तान रोहित पौडेल २७, आसिफ शेख १९ र दीपेन्द्रसिंह ऐरी १२ रनमा आउट हुँदा आरिफ शेख र सोमपाल कामी समान ११ र ११ रन जोडे । गुल्सन झा ८, भीम सार्की ६, कुशल मल्ल ३ र कुशल भुर्तेल २ रन बनाएर आउट हुँदा ललित राजवंशीले १ रन जोडे ।
यो खेलको नतिजाले समूह विजेताको टुंगो लाग्नेछ । नेपाल सेमीफाइनलमा भने पुगिसकेको छ ।
प्रतिक्रिया