९ श्रावण २०८१, बुधबार | July 24, 2024

एसिसी प्रिमियर कप : दबाबमा नेपाल, गुमायो तेस्रो विकेट



काठमाडौं । एसिसी प्रिमियम कपको जारी फाइनल खेलमा नेपालले खराब सुरुवात गरेको छ । पाहुना टोली यूएईले दिएको १ सय १८ रनको सामान्य लक्ष्य पछ्याउनेक्रममा नेपालले सस्तैमा तिन विकेट गुमाएको हो ।

नेपालले पहिलो विकेटको रूपमा कुशल भुर्तेललाई गुमाएको हो । उनी रोहन मुस्तफाको बलमा एल्बीडब्लू धरापमा परे । ८ बलमा सामना गरेका भुर्तेलले १ रन मात्र जोड्न सके । नेपालका अर्का ओपनर आशिफ शेख १० बलमा आठ रन बनाएर आउट भए । उनलाई युएईका आयान खानले आउट गरेका हुन् । नेपालले तेस्रो विकेटका रूपमा कप्तान रोहित पौडेललाई गुमाएको हो । उनी नौ बलमा एक रन मात्रै बनाएर आउट भए । पौडेललाई रोहन मुस्तफाले आउट गरेका हुन् ।

त्यसअघि कीर्तिपुरस्थित त्रिवि मैदानमा टस हारेर ब्याटिङको निम्तो पाएको यूएई ३३.१ ओभरमा १ सय १७ रनमै अलआउट भयो । उसका लागि आसिफ खानले ५४ बलमा ७ चौका र १ छक्कासहित सर्वाधिक ४६ रन बनाए ।

त्यस्तै, आर्यन लाक्राले १३, कप्तान मोहम्मद वसिमले ११, जुनैद सिद्दिकी र बसिल हमीदले १०-१० रन जोडे । बाँकी ब्याटरले भने दोहोरो अंकमा समेत रन बनाउन सकेनन् । नेपालका लागि ललितनारायण राजवंशीले ४, सन्दीप लामिछाने, करण केसीले २-२, सोमपाल कामी र गुलशन झाले १-१ विकेट लिए ।

सोमबार वर्षा कारण कारण नतिजा ननिस्किएपछि बाँकी फाइनल खेल आज बिहान ९ बजेदेखि २७.३ ओभरमा १०६ रन बनाएर ९ विकेट गुमाएको अवस्थाबाट सुरु सुरु भएको हो ।

सोमबार यूएईले ब्याटिङ गर्नेक्रममा पानी परेपछि खेल रोकिएको थियो । यदि आज पनि वर्षा बाधक बने खेलको नतिजा सुपर ओभरबाट निकाल्ने प्रयास हुनेछ । सुपर ओभरबाट पनि सम्भव नभए नेपाल एकदिवसीय वरियताको फाइदा उठाउँदै एसिया कपमा छनोट हुनेछ ।

हाल नेपाल आइसिसी ओडिआई वरियताको १४ औँ र यूएई १९ औँ स्थानमा छ । प्रिमियर कप विजेता टोलीले आउँदो सेप्टेम्बरमा हुने एसिया कपमा नेपालले समूह ‘ए’ मा रहेका भारत र पाकिस्तानसँग खेल्ने मौका पाउनेछ ।

समूह ‘बी’ मा बंगलादेश, श्रीलंका र अफगानिस्तान रहेका छन् ।

प्रकाशित मिति : १९ बैशाख २०८०, मंगलबार  १० : १९ बजे

बाढीले विद्यालय भवनमा क्षति

पर्वत । जिल्लाको पैयुँ गाउँपालिका-५ को बानीडाँडा प्राथमिक विद्यालयमा बाढी

एमाले लुम्बिनी संसदीय दलका नेता लिला गिरीले दिए पदबाट राजीनामा

बुटवल । नेकपा एमाले लुम्बिनी संसदीय दलका नेता लिला गिरीले

सिन्धुलीको मुलकोट र खोटाङको हलेसीमा पौवा रिसोर्ट संचालन

काठमाडौं । नेपालमा पूर्णरुपमा नेपाली हस्पिटालिटी सहित पहिलो सेवा प्रारम्भ

लुम्बिनी प्रदेशका नवनियुक्त मुख्यमन्त्री आचार्यसहित ८ जना मन्त्रीहरुले लिए पद तथा गोपनियताको शपथ

बुटवल । लुम्बिनी प्रदेशका नवनियुक्त मुख्यमन्त्री चेतनारायण आचार्यसहित एमाले-कांग्रेसका ८

काठमाडौं महानगरपालिकामा आजदेखि पोलियो अभियान : घर घरमा पुगेर खुवाइने

काठमाडौं । काठमाडौं महानगरपालिका क्षेत्रमा आजदेखि ५ वर्ष उमेरभन्दा मुनिका