बुटवल । लुम्बिनी प्रदेशका मुख्यमन्त्री डिल्लीबहादुर चौधरीले आज पद तथा गोपनियताको सपथ लिदैछन् ।
नेकपा माओवादीसहितका राजनीतिक दलको समर्थनमा बिहिवार मुख्यमन्त्रीमा नियुक्त भएका चौधरीले आज पद तथा गोपनियताको सपथ लिन लागेका हुन । प्रदेश प्रमुखको कार्यालय, बुटवलमा अपरान्ह १ बजे पद तथा गोपनियताका सपथ हुनेछ ।
नेपालको संविधानको धारा १६८ को उपधारा २ बमोजिम प्रदेश प्रमुख अमिक शेरचनले उनलाई बिहिवार मुख्यमन्त्रीमा नियुक्त गरेका थिए । तर, मुख्यमन्त्री चौधरीसँग मन्त्रीहरुले सपथ लिन्छन कि लिन्नन भन्ने अझै टुंगो भने लागेको छैन् ।
माओवादीबाट सरकारमा पठाउनेहरुको नाम टुंगो नलागेको संसदीयदलका नेता जोख बहादुर महराले बताए । ‘छलफल मै छौं, सपथको समय अघि टुंगो लागे केही साथीहरुले सपथ लिनुहुन्छ, अन्यथा मुख्यमन्त्रीको मात्र सपथ हुन सक्छ ।’ उनले भने ।
उनले आधाआधा कार्यकालको सहमति भएको पनि बताए । आधाआधाको सहमति लिखित कि मौखिक ? भन्ने खबरकुराको प्रश्नमा नेता महराले आफुहरुले राजनीतिमा देखिएको फोहरी खेललाई सफा गर्न खोजेको भन्दै इमान्दारितामा लिखित वा मौखिकको भन्दा नैतिकताको महत्व हुने बताए । ‘लिला गिरीसँग पनि आधाआधा भनेकै होनी, तर कार्यकाल नै पुरा भएन ।’ उनले भने ।
यद्धपी, मुख्यमन्त्री गिरीले मन्त्रीहरुका आंकक्षी आफनै पार्टी नेपाली कांग्रेसका सांसद तथा सत्ता सहयोगी नेकपा माओवादी केन्द्रका सांसदहरुसँग भने छलफल गरिरहेका छन् ।
प्रतिक्रिया