रवि र स्वर्णिमले लिए सांसद पदको शपथ

काठमाडौं । यही वैशाख १० गते भएको उपनिर्वाचनमा निर्वाचित राष्ट्रिय स्वतन्त्र पार्टीका रवि लामिछाने र स्वर्णिम वाग्लेले सांसद पदको शपथ लिएका छन् ।

सभामुख देवराज घिमिरेले लामिछाने र वाग्लेलाई सिंहदरबारस्थित संघीय संसद् सचिवालयमा शपथ ग्रहण गराएका छन् ।

लामिछाने चितवन २ बाट पुनः निर्वाचित भएका हुन् भने वाग्ले तनहुँ-१बाट पहिलोपटक निर्वाचित भएका हुन् । लामिछानेले मंसिरमा भएको निर्वाचनमा भन्दा पनि बढी मत ल्याएर विजयी भएका छन् । विगतमा कांग्रेसमा रहेका वाग्ले उपनिर्वाचनको मनोनयन हुनुअघि मात्रै रास्वपामा प्रवेश गरेका थिए ।

बारा–२ बाट निर्वाचित जसपाका उपेन्द्र यादवको भने आज शपथ हुनसकेन । उनी अझै पनि बारामै रहेका कारण शपथ ग्रहणको नभएको हो ।