काठमाडौं । एसिसी प्रिमियर कपको सेमिफाइनलमा कुवेतसँग खेलिरहेको नेपालले तेस्रो विकेट गुमाएको छ । विष्फोटक सुरुवात गरेको नेपालले कुशल भुर्तेल, भीम सार्की आसिफ सेखको विकेट गुमाएको हो ।
ओपनर ब्याट्सम्यान कुशल भुर्तेल आउट हुँदासम्म नेपालले १०.५ ओभरमा ७७ रन बनाएको थियो । उनले आउट हुनुअघि ३९ बल खेल्दै ४३ रन बनाए ।
तेस्रो विकेटका लागि मैदानमा उत्रिएका भीम सार्की १ रन बनाएर पेभेलियन फर्किए । यस्तै ओपनर ब्याट्सम्यान आसिफ भने २८ बलमा ३१ रन बनाएर मैदान छाडे । अहिले मैदानमा रोहित पौडेल र कुशल मल्ल खेलिरहेका छन ।
टस हारेको नेपाली टोलीले पहिले ब्याटिङको निम्तो पाएको थियो ।
प्रतिक्रिया