रोल्पा । रोल्पाको गंगादेवमा गाडी दुर्घटना हुँदा एक विद्यार्थीको मृत्यु भएको छ । दाङको तुलसीपुरबाट रोल्पाको गंगादेव गाउँपालिका-६ राँक ताप्लाका जाँदै गरेको गाडी दुर्घटनामा १५ वर्षिय किशोरको मृत्यु भएको हो ।
लु१ज ४७५५ नम्बरको डबल क्याप गाडी आइतबार अपरान्ह गंगादेवको ओइलाम नजिकै दुर्घटना हुँदा स्थानीय १५ वर्षका स्कुल ड्रेसमा रहेका विद्यार्थी तिलक वलीको घटनास्थलमै मृत्यु भएको जिल्ला प्रहरी कार्यालय रोल्पाका प्रहरी प्रमुख डिएसपी श्यामकुमार सारू मगरले जानकारी दिए ।
उनकाअनुसार दुर्घटनामा परेर ८ जना घाइते छन् । जसमध्ये ४ जनाको अवस्था गम्भीर रहेको र उनिहरुलाइ उद्धार गरी प्रहरीले उपचारका लागि दाङ तुलसीपुरतर्फ पठाएको छ ।
गाडीमा ९ जना सवार रहेको बुझिएको छ । घटनाबारे थप विवरण आउन बाँकी रहेको डीएसपी मगरले बताए ।
प्रतिक्रिया