काठमाडौं । राष्ट्रिय स्वतन्त्र पार्टी (रास्वपा)ले सरकारमा सहभागिताबारे शुक्रबार मात्र निर्णय लिने भएको छ । उपचुनावपछि सोमबार पहिलो पटक बसेको बैठकले पार्टी अध्यक्ष रवि लामिछानेलाई संसदीयदलको नेतामा सिफारिस गरेको छ भने पछिल्लो राजनीतिक परिस्थिति र सरकारमा सहभागिताबारे छलफल भएको रास्वपाले जनाएको छ ।
केन्द्रीय सदस्यहरुले सरकारमा जाने नजानेबारे फरक फरक धारणा राखेको बताइएको छ । अधिकांश केन्द्रीय सदस्यले सरकारमा गएर काम गर्न सक्ने वातावरण नभएसम्म जान नहुने सुझाव दिएको रास्वपाका एक नेताले बताए । पार्टीको एजेण्डा सरकारको नीति तथा कार्यक्रममा समावेश गर्न सकिए सरकारमा जान पनि सकिने राय आएको पनि तिनले बताए ।
सोमबार नै संसदीय दलको बैठक बोलाइएको र सो बैठकमा लामिछानेलाई संसदीयदलको नेता चयन गर्न पार्टीबाट सिफारिस गरिएको पार्टी प्रवक्ता मुकुट ढकालले बताए ।
प्रतिक्रिया