काठमाडौं। नेपाली कांग्रेसका सांसद सुरेन्द्र आचार्य महिला तथा बालबालिका मन्त्रीमा नियुक्त भएका छन् ।
कांग्रेस सभापति शेरबहादुर देउवाको सिफारिसमा प्रधानमन्त्री पुष्पकमल दाहाल प्रचण्डले आचार्यलाई मन्त्री बनाएका हुन् । उनले आजै राष्ट्रपतिबाट पद तथा गोपनीयताको शपथ लिने कार्यक्रम तय भएको छ । दिउँसो १२ ३० बजे शपथ कार्यक्रम रहेको राष्ट्रपति कार्यालयले जनाएको छ ।
यसअघि महिला बालबालिका मन्त्रालय सम्हालिरहेका नेपाल समाजवादी पार्टीका महेन्द्रराय यादवलाई वन मन्त्रालयको जिम्मेवारी दिइने प्रधानमन्त्री निकट स्रोतले बताएको छ ।
गत बुधबार मात्रै प्रधानमन्त्री प्रचण्डले ९ औं पटक मन्त्रीपरिषद विस्तार गरेका थिए ।
प्रतिक्रिया