काठमाडौं । नेकपा एमालेले टोपबहादुर रायमाझीलाई सचिव पदबाट निलम्बन गरेको छ ।
नक्कली भुटानी शरणार्थी प्रकरणमा परेका रायमाझीलाई एमालेले निलम्बन गरेको हो ।
आज कांग्रेस नेता एवं पूर्व गृहमन्त्री बालकृष्ण खाँण पक्राउ परेपछि दबाबमा परेको एमालेले रायमाझीलाई निलम्बन गरेको हो । रायमाझीबारे एमाले केहीदिनदेखि मौन रहेको थियो ।
महासचिव शंकर पोखरेलले आज प्रेस विज्ञप्ति जारी गर्दै नक्कली शरणार्थी प्रकरणको अनुसन्धान र कानूनी कारवाहीको टुंगो नलाग्दासम्म रायमाझीलाई निलम्बन गरेको जनाएका छन् ।
महासचिव पोखरेलले यसअघि राज्यका निकायमा उपस्थित भै अनुसन्धानलाई सघाउन पार्टी नेतृत्व समक्ष सहमति जनाएपनि नेतृत्वको विश्वास विपरित उनी उपस्थित नभएको जनाएका छन् ।
रायमाझी विरुद्ध प्रहरीले पक्राउ पूर्जी जारी गरेपछि उनी फरार रहेका छन् ।
प्रतिक्रिया