काठमाडौं । धमाधम् भुटानी शरणार्थी प्रकरणमा दलका ठुला नेताहरु प्रहरी नियन्त्रणमा पुगेसँगैतीन प्रमुख दलका अध्यक्षहरुको भेटघाट पनि बाक्लो हुँदै गएको छ । आज पनि प्रमुख तीन दलका प्रमुखहरुको छलफल सिंहदरबारमा सुरू भएको छ ।
नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष एवम प्रधानमन्त्री पुष्पकमल दाहाल प्रचण्ड आजपनि छलफलमा जुटेका छन् ।
टीआरसीबारे छलफल गर्ने एजेण्डा भनिएपनि भुटानी शरणार्थी प्रकरण चर्केका बेला लगातारको भेटघाटलाई अर्थपूर्णरुपमा हेरिएको छ ।
समान्यतया प्रधानमन्त्री भेट्न बालुवाटार र सिंहदरवार नजाने गरेका एमाले अध्यक्ष ओली दिनहुँ बालुवाटार पुग्ने गरेका छन् भने पार्टीको बैठक समेत निजी निवासमा गर्न रुचाउने कांग्रेस सभापति देउवा पनि लगातार बालुवाटार धाउने गरेका छन् । नक्कली भुटानी शरणार्थी प्रकरणको मुद्दा चलिरहँदा शीर्ष नेताहरुबीच लगातार भइरहेको छलफललाई प्रतिनिधिसभा बैठकमा पनि शंकाको दृष्टीबाट हेर्दै सांसदहरुले प्रश्न उठाउका छन् ।
प्रतिक्रिया