काठमाडौं । भारतमा जारी इन्डियन प्रिमियर लिग(आईपीएल)मा राजस्थान रोयल्सले पन्जाब किंग्सलाई पराजित गरेर प्लेअफ प्रवेशको सम्भावना कायमै राखेको छ ।
धर्मशालाको एचपीसीएको क्रिकेट मैदानमा भएको खेलमा राजस्थान ४ विकेटले विजयी हुँदा शीर्ष चारमै रहेको हो ।
पञ्जाबले दिएको १८८ रनको लक्ष्य पछाएको राजस्थानले १९.४ ओभरमा ६ विकेट गुमाउदै लक्ष्य पुरा गरेको थियो ।
यसअघि टस हारेर पहिला ब्याटिंग गरेको पञ्जाबले २० ओभरमा ५ विकेट गुमाउदै १८७ रन बनाएको थियो ।
यो हारसँगै पञ्जाब किंग्स प्लेअफको दौडबाट बाहिरिएको छ । पञ्जाबको १४ खेलमा १२ अंक भएको छ र अंकतालिकामा आठौ स्थानमा रहदै यस सिजनको आइपिएलको यात्रा टुंगाएको छ ।
त्यसैगरी राजस्थान रोयलको १४ खेलमा १४ अंक भएको छ र अंकतालिकामा पाँचौं स्थानमा रहेको छ । अब राजस्थानको प्लेअफको यात्रा अन्य टिमको प्रदर्शनमा भरपर्ने छ । यद्यपी राजस्थानको प्लेअफको सम्भावना भने निकै कम रहेको छ ।
जारी आइपिएलमा अहिलेसम्म गुजरात टाइटन्स मात्र प्लेअफमा पुगेको छ भने पञ्जाबसहित दिल्ली क्यापिटल्स र सनराइजर्स हैदरावाद प्लेअफको दौडबाट बाहिरिएका छन् ।
आजको दोस्रो खेलमा लखनउसँग कोलकत्ताको हार तथा भोलि मुम्बई तथा बेंगलोरको हारले राजस्थानको प्लेअफको ढोका खुल्नेछ ।
प्रतिक्रिया