अत्याधिक गर्मी बढेपछि बाँकेको खजुराका बिद्यालयलाई ३ दिन गर्मी बिदा दिइयो

खजुरा । दिनप्रतिदिन अत्याधिक गर्मी बढन थालेपछि बाँकेको खजुरा गाँउपालिकाले पालिका अन्तर्गतका बिद्यालयहरु तीन दिनका लागि बिदा दिने निर्णय गरेको छ । खजुरा गाउँपालिकाले मंगलबार सूचना जारी गर्दै तीन दिन गर्मी बिदा दिने जनाएको छ ।

अत्यधिक गर्मी बढेको जनाउँदै विद्यालय बिदा गरिएको पालिकाका शिक्षा, युवा तथा खेलकुद शाखा प्रमुख खगेन्द्रबहादुर मल्लले जानकारी दिए ।पालिकाले विद्यालयबाट गर्मी बिदा माग भएपछि जेठ १७ गतेदेखि १९ गतेसम्म बिद्यालय बिदा दिने निर्णय गरेको हो ।

‘बिदा गर्नका लागि बिद्यालयबाट माग भइआएकाले खजुरा गाउँपालिका शिक्षा समितिका संयोजकबाट ३ दिन गर्मी बिदा गर्ने निर्देशन भएको’ सूचनामा उल्लेख गरिएको छ ।