काठमाडौँ । भारत भ्रमणमा रहेका प्रधानमन्त्री प्रचण्ड र मध्य प्रदेशका मुख्यमन्त्री शिवराज सिंह चौहानबीच भेटवार्ता भएको छ । भेटवार्ता पछि मध्य प्रदेशका मुख्यमन्त्री चौहानले सामाजिक सञ्जालमार्फत नेपाल र भारत अत्यन्त प्राचिन र महान् राष्ट्र भएको बताउँदै दुई राष्ट्र शरीर फरक भए पनि संस्कृति, संस्कार र सभ्यता एक भएको बताएका छन् ।
भारत भ्रमणमा रहेका प्रधानमन्त्री प्रचण्डलाई इन्दौरमा स्वागत गर्दै सिंहले भनेका छन्, ‘यही भावले अहिल्याको पवित्र नगरमा, इन्दौरमा, मध्यप्रदेशमा नेपालका माननीय प्रधानमन्त्री प्रचण्डलाई मध्यप्रदेशको गौरवशाली परम्परा अनुरूप हृदयदेखि स्वागत गरेका छौँ । दुई देशको सम्बन्ध अझै प्रगाढ बनोस् । सहयोग अझै बढोस् । उनको यो यात्राले यस दिशामा ठोस कदम अगाडि बढ्नेछ ।’
उनले प्रचण्डलाई बाबा महाकालको दर्शन गरी नेपालका जनताको कल्याण र विकासको लागि आशीर्वाद लिन आग्रह गर्दै आफुले पनि दुवै राष्ट्र सधैँ विकास, कल्याण र आपसी सद्भावको मार्गमा अगाडि बढोस् भन्दै पतिनाथसँग प्रार्थना गरेको बताएका छन् । मुख्यमन्त्री चौहानले प्रधानमन्त्री प्रचण्डको सम्मानमा रात्रिभोजको पनि आयोजना गरेको जानकारी दिए ।
नेपाल के प्रधानमंत्री आदरणीय श्री पुष्प कमल दहल ‘प्रचंड’ जी का देवी अहिल्या की पवित्र नगरी और भारत के सबसे स्वच्छ शहर इंदौर में हृदय से स्वागत एवं अभिनंदन है।
नेपाल और भारत प्राचीन राष्ट्र हैं, हमारा समृद्ध इतिहास रहा है। कई बार लगता है कि शरीर दो हैं लेकिन संस्कृति, सभ्यता और… pic.twitter.com/aTOiOZ0LTB
— Chief Minister, MP (@CMMadhyaPradesh) June 2, 2023
प्रतिक्रिया