पाल्पा । पाल्पामा लिची टिप्न रुखमा चढेकी एकजना महिलाको रुखबाट खसेर मृत्यु भएको छ । उनको लुम्बिनी मेडिकल कलेज प्रभास पाल्पामा उपचारका क्रममा मृत्यु भएको हो ।
प्रहरीका अनुसार आज मध्यान्ह साढे १ बजेको समयमा पाल्पा बगनासकाली-९ फक्टुङ बस्ने वर्ष ४५ की धना खाण आफ्नै बारीमा रहेको लिचिको रुखमा चढी लिची टिप्ने क्रममा अचानक रुखबाट लडी घाईते भएकी थिईन् । घटना लगत्तै उपचारको लागी धनाका श्रीमान ज्ञान बहादुर खांणले लुम्बिनी मेडिकल कलेज प्रभास पाल्पा लगेकोमा उपचारको क्रममा अपरान्ह ४ः४५ बजे मृत्यु भएको हो ।
मृत्यु भएको सूचनाका आधारमा जिल्ला प्रहरी कार्यालय पाल्पाबाट प्रहरी अनुसन्धान अधिकृत सहितको टोली घटना स्थल पुगेर अनुसनधान सुरु गरेको पाल्पा प्रहरीले जनाएको छ । शव पोष्टमार्टमको लागी जिल्ला अस्पताल पाल्पामा पठाईएको पाल्पा प्रहरी प्रवक्ता डीएसपी बिरेन्द्र थापाले बताए ।
प्रतिक्रिया