काठमाडौं । आफुमाथि उजुरीकर्ताहरुले दिएको उजुरीको स्पष्टीकरण दिन कार्यबहाक प्रधानन्यायाधीस हरिकृष्ण कार्की संसदीय सुनवाई समितिमा पुगेका छन् ।
सर्वोच्च अदालतको प्रधानन्यायधिसमा सिफारिस कार्कीलाई आज छलफलका लागि समितिले बोलाए पछि उनी सिंहदरबारमा पुगेका हुन ।
उनी पुगेलगत्तै सुनवाई सुरु भएको छ । लामो समय देखी कार्यबहाक प्रधानन्यायाधीसको जिम्मेवारी सम्हालेका कार्कीलाई यसै महिनाको पहिलो हप्ता प्रधानन्यायधिसमा सिफारिस गरिएको थियो ।
संवैधानिक परिषदले भावी प्रधानन्यायाधीसमा सिफारिसमा परेका कार्कीलाई उनी बिरुद्ध परेको उजुरीका बारेमा सोधपुछ गरिनेछ भने उनले प्रधानन्यायाधीस बनेपछि गर्ने कार्ययोजना संसदीय सुनुवाई समिति सामु प्रस्तुत गर्नेछन् ।
उनी बिरूद्ध परेका २९ वटा उजुरीका बारेमा समितिले उजुरीकर्तासँग हिजो छलफल गरेको थियो ।
प्रतिक्रिया