बुटवल । पाल्पाको भैरवस्थानमा पुजा अर्चना गर्न आउने महिला दर्शनार्थीलाई यौन दुर्ब्यवहार गरेको पुष्टी भएसँगै मन्दिरका पुजारीलाई निलम्बन गरिएको छ ।
पुजा गर्न आएका महिला दर्शनार्थीलाई प्रसादी दिने बहानामा महिला यौनजन्य दुर्व्यवहार गर्ने पाल्पाको भैरवस्थान मन्दिरका मुख्य पुजारी जीतनाथ योगीलाई मन्दिर व्यवस्थापन समितिले निलम्बन गरेको हो ।
पाल्पाको प्रसिद्ध भैरवस्थान मन्दिरका मुख्य पुजारी योगीलाई मन्दिर व्यवस्थापन समितिले बिहीबार निलम्बन गरेको समितिले जनाएको छ ।
योगीले मन्दिर दर्शनको लागि जाने महिला दर्शनार्थीहरूलाई प्रसादी दिने बहानामा उनीहरूको संवेदनशील अंगमा छुने गरेको दर्शनार्थीहरुले उजुरी गरेपछि सोही आधारमा पुजारीलाई निलम्बन गरिएको मन्दिर व्यवस्थापन समितिका अध्यक्ष गोविन्द बहादुर पोखरेले बताए ।
योगीले महिला दर्शनार्थीहरूमाथि यौनजन्य दुर्व्यवहार गरेको गुनासो आएपछि समितिको आकस्मिक बैठकले उनलाई मुख्य पुजारीको जिम्मेवारीबाट हटाउने निर्णय गरेको उनले बताए ।
योगी २०५९ देखि भैरवस्थान मन्दिरमा मुख्य पुजारीको रूपमा काम गर्दै आएका थिए ।
प्रतिक्रिया