बुटवल । शुक्रबार साँझबाट भएको अविरल वर्षाका कारण लुम्बिनी प्रदेशका बिभिन्न स्थानमा सडक अवरुद्ध भएका छन् । बुटवल गुल्मी सडक अन्तर्गत सिद्धबाबा र ढुँगाखानीमा बिहानै देखि अवरुद्ध सडक ८ः४० बाट एकतर्फी संचालनमा आएको छ भने अन्य झण्डै आधा दर्जन सडक अवरुद्ध रहेका छन् ।
पूर्व खैरेनी माथागढी सडक पूर्णरुपमा अवरुद्ध रहेको छ भने पाल्पाको रम्बा गाँउपालिका १ सहजी खोला बढेर कालिगण्डकी करिडोर बन्द भएको छ । राजमार्ग सुरक्षा तथा ट्राफिक ब्यवस्थापन कार्यालय बुटवलका अनुसार पश्चिम गारुसिङ्गे अर्घाखाँची सडक २ स्थानमा अवरुद्ध भएको छ । सितगङ्गा ४ कोन्दे्र खोलामा बाढी आएर सडक बन्द भएको छ भने सोही सडकको सन्धिखर्क नगरपालिकाको दशह खोलामा पनि बाढी आएर सडक अवरुद्ध भएको छ ।
उता भालुवाङ प्युठान सडक अन्तर्गत माण्डबी ५ सिमलचौर नजिकै पहिरो खसरे सठक अवरुद्ध भएको राजमार्ग सुरक्षा तथा ट्राफिक ब्यवस्थापन कार्यालय बुटवलका प्रहरी नायव उपरक्षिक होम बहादुर थापाले जानकारी दिएका छन् ।
वर्षा जारि रहेकाले कुनैपनि बेला पहिरो खस्न सक्ने र सडक अवरुद्ध हुन सक्ने भएकाले यात्रा गर्दा सडकको अवस्था बुझेर वा अत्यावश्यक काममा मात्र यात्रा गर्न सर्वसाधारणलाई प्रहरीले आग्रह गरेको छ ।
प्रतिक्रिया