बुटवल । जेनेरेटरमा आगलागी भएपछि लुम्बिनी प्रदेशसभाको बैठक १० मिनेटका लागि स्थगित भएको छ । विद्युत लाइन गएपछि जेनेरेटर चलाउँदा जेनेरेटरमा आगलागी भएका कारण प्रदेशसभा बैठक १० मिनेटका लागि स्थगित भएको हो ।
प्रदेशसभाका सभामुख तुलाराम घर्तीले जेनेरेटरमा आगलागी भएका कारण १० मिनेटका लागि बैठक स्थगित भएको घोषणा गरेका थिए ।
लुम्बिनी प्रदेशमा बजेटका विषयमा असन्तुष्टि जनाउँदै लगातार सदन अवरुद्ध गर्दै सोमबार बजेट पुस्तिका च्यातेर सदन बहिस्कार गरेको प्रमुख प्रतिपक्ष दल नेकपा एमाले र सरकार बीच मंगलबार सहमति भएपछि बुधबारको बैठक बसेको थियो ।
बैठकलाई संबोधन गर्दै एमाले सांसद तुलसी चौधरीले मुख्यमन्त्री र केही मन्त्रीहरुले आफ्नो जिल्ला र क्षेत्रमा बजेट केन्द्रित गरेको भन्दै आपत्ति प्रकट गरे । त्यसअघि मुख्यमन्त्री डिल्लीकुमार चौधरीले बैठकलाई संबोधन गरेका थिए ।
प्रतिक्रिया