राजश्वले बरामद गरेको सुनभएको पोकाको तौल १५५ केजी, सुनको खुद तौल आउन १ साता लाग्ने

काठमाडौं । राजस्व अनुसन्धान विभागले बुधबार बरामद गरेको सुनको पोको खुद तौल १५४ किलो भएको छ । टक्सार विभागले विभागले पाठाएको पाकाको तौल १५४ केजी ४६८ ग्राम ठहर भएको टक्सार महाशाखाका निर्देशक थानेश्वर आचार्यले जानकारी दिएका छन् ।

सुन कति छ भनेर पत्ता लगाउन पोका खोल्नु पर्ने र गालेर ठहरिएको तौल मात्र अन्तिम तौल हुने उनले बताए । विभागले पठाएको सुनलाई मुचुल्का उठाएर महाशाखाको ढुकुटीमा राखिएको आचार्यले जानकारी दिए ।

रेडी ट्रेडलिंक बुढानीलकण्ठका नाममा हङकङबाट ल्याइएको उक्त सुन विमानस्थलको भन्सार जाँचपास भएर ट्याक्सीमा लैजान लागिएको अवस्थामा राजस्व अनुसन्धान विभागको टोलीले बरामद गरेको थियो । उक्त अवैध सुन ल्याउने कार्यमा संलग्न भएको आरोपमा ६ जना पक्राउ परिसकेका छनन् ।

आचार्यले विभागबाट आएका प्याकेटमा कति परिणामको सुन छ भन्ने यकिन तथ्याङ्क आउन एक हप्तासम्म लाग्न सक्ने बताए ।

उनले सुनको अन्तिम तौल निकाल्न गालेर जोख्नुपर्ने बताउँदै ‘सम्बन्धित निकायबाट सुन जोख्न अनुमति आएपछि ब्रेक प्याडबाट सुन छुट्ट्याएर गालिने र त्यसपछि जोख्दा मात्रै यकिन परिणाम आउने बताए ।