७३ वर्षिया वृद्धालाई पनि छाडेनन् यौन पिपासुहरुले, दाङमा वृद्धामाथि बलात्कार

दाङ । दाङमा ७३ वर्षिया बृद्धामाथि सामूहिक बलात्कार भएको छ । बिहीबार राति तुलसीपुर उपमहानगरपालिका–५ स्थित बसपार्कमा पार्किङ गरेर राखिएको ना ४ ख ७८४८ नम्बरको बसभित्र प्युठानकी ७३ वर्षीया वृद्धामाथि सामूहिक बलात्कार भएको हो ।

बिहीबार राति तुलसीपुर उपमहानगरपालिका–५ स्थित बसपार्कमा पार्किङ गरेर राखिएको बसभित्र ७३ वर्षीया वृद्धामाथि सामूहिक बलात्कार भएको प्रहरीले जनाएको छ । वृद्धामाथि बलात्कार गरेको आरोपमा दुई जनालाई इलाका प्रहरी कार्यालयले पक्राउ गरिसकेको दाङ प्रहरी प्रमुख एसपी बिरबहादुर ओलीले बताए ।

उनका अनुसार पक्राउ पर्नेमा दाङको तुलसीपुर उपमहानगरपालिका–१५ का ३० वर्षीय पुष्कर रोका र सल्यान कुमाख गाउँपालिका–७ का २० वर्षीय रेशम विक रहेका छन् ।

वृद्धामाथि बलात्कार भइरहेकै अवस्थामा सूचना पाएपछि घटनास्थल पुगेको प्रहरीले बृद्धाको उद्दार गर्दै २ जनालाई पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।