काठमाडौं । नेकपा माओवादी केन्द्रको केन्द्रीय समिति बैठक सुरुभएको छ ।
काठमाडौंको कमलादीस्थित प्रज्ञा भवनमा सुरु भएको बैठकको अध्यक्षता अध्यक्ष पुष्पकमल दाहाल प्रचण्डले गरेका छन्।
बैठकको अध्यक्षता गर्दै प्रचण्डले भ्रष्टचारविरुद्ध र सुशासनका सवालमा पार्टी नेतृत्वको सरकारले गरेको काम कारबाहीले जनतामा आशा सञ्चार भएको बताएका छन् ।
प्रधानमन्त्री समेत रहेका प्रचण्डले भने, ‘सरकारकाले गरेको काम कारबाहीका कारण जनतामा आशाको सञ्चार भएको छ । ’
प्रचण्डले पार्टीलाई स्थापित गराउन सबै नेता कार्यकर्ताको उत्तिकै भूमिका हुने उल्लेख गरे । उनले केन्द्रीय समिति बैठकले पार्टी सुदृढिकरणमा विशेष कार्ययोजना बनाउने विश्वास व्यक्त गरे ।
अहिले पार्टी पार्टी जस्तो नभएको स्वीकार गर्दै प्रचण्डले पार्टी चुनौतीपूर्ण अवस्थामा रहेकाले कमीकमजोरी स्वीकार्न डराउन नहुने बताए ।
जनताको पक्षमा काम गरिरहेको गठबन्धन सरकारलाई अझै अझ प्रभावकारी बनाउन सुरु भएको केन्द्रीय समिति बैठकले भूमिमका खेल्ने विश्वास लिएको उनको भनाइ छ ।
बैठकमा अध्यक्ष प्रचण्डले राजनीतिक र सांगठनिक प्रतिवेदन अध्यक्ष एवं प्रधानमन्त्री पुष्पकमल दाहाल ‘प्रचण्ड’ले तयार पारेका छन् ।
केन्द्रीय समिति बैठक पाँच दिनसम्म चल्ने बताइएको छ ।
प्रतिक्रिया