बुटवल । कपिलवस्तुमा आफ्नै अफिसमा काम गर्ने महिला कर्मचारीमाथि बलात्कारको प्रयास गरेपछि कार्यालय प्रमुख र उनका सहयोगी पक्राउ परेका छन् । जिल्लाको शिवराज नगरपालिका अन्तर्गत आधारभुत स्वास्थ्य सेवा अस्पताल चन्द्रौटामा कार्यरत महिला कर्मचारीमाथि बलात्कारको प्रयास गरेको अभियोगमा अस्पतालका स्वास्थ्य प्रमुख लेखनाथ पौडेल र शिवराज नगरपालिका– ३ बस्ने भुवन पाण्डेलाई प्रहरीले पक्राउ गरेको हो ।
उनीहरुले साउन १२ गते राति डिउटीमा खटिएका महिला कर्मचारी माथि मदिरा सेवन गरी बलात्कारको प्रयास गरेको भन्दै प्रहरीमा पीडित महिलाले उजुरी दिए पछि उनीहरुलाई पक्राउ गरिएको वडा प्रहरी कार्यालय चन्द्रौटाका प्रहरी निरीक्षक शेखरजगं मल्लले जानकारी दिए । उजुरी गरेलगत्ते फरार रहेका पौडेल र पाण्डेलाई कपिलवस्तुकै्र छुट्टाछुट्टै स्थानबाट पक्राउ गरिएको प्रहरीले जनाएको छ ।
पक्राउ परेकाहरुलाई म्याद थप गरि अनुसनधान आगाडी बढाइएको प्रहरी निरीक्षक मल्लले बताए । प्रहरीमा उजुरी परेसँगै स्वास्थ्य प्रमुख पौडेललाई शिवराज नगरपालिकाले स्वास्थ्य प्रमुख पौडेललाई जिम्मेवारीबाट हटाएको छ । उनलाई नगरपालिकाले साउन २ गते मात्रै जिम्मेवारी दिएको थियो ।
प्रतिक्रिया