भेलमा पौडी खेल्न गएका खजुराका १५ वर्षिय सुनार डुबेर बेपत्ता

खजुरा । वर्षापछि आएको भेलमा पौडी खेल्न गएका एक जना किशोर जेठान नालामा बेपत्ता भएका छन् । खजुरा गाउँ पालिका वडा नं ७ स्थित जेठान नालामा पौडि खेल्ने क्रममा खजुरा ६ शान्तिनगरका स्थानीय १५ वर्षिय विकास सुनार बेपत्ता भएका हुन् ।

श्री जनकल्याण माध्यमिक विद्यालयमा कक्षा ९ मा अध्यानरत १५ वर्षिय सुनार डुबेर बेपत्ता भएको प्रहरीले जनाएको छ । साथीहरुसंग आज दिउँसो पौडी खेल्न गएका सुनार बेपत्ता भएको खबर पाएसँगै खोजी कार्य तिबै पारिएको संदीप बेलबासेले बताए ।

हाल इलाका प्रहरी कार्यलय धनौलीको टिमले खोजी कार्य जारी राखेको छ । मौसममा अझै सुधार भइनसकेका कारण सतर्क रहन प्रहरीले नागरिकलाई आग्रह समेत गरेको छ ।