नेपालगन्ज । दैलेखबाट ललाइफकाइ नेपालगन्ज लगेर १५ वर्षीया किशोरीलाई बलात्कार गरेको आरोपमा प्रहरीले एक जनालाई पक्राउ गरेको छ । नाबालिका बलात्कारको आरोपमा पक्राउ पर्नेमा दैलेखको दुल्लु नगरपालिका ६ धामीगाउँ बस्ने २३ वर्षीय सुरेश रावल रहेका छन् ।
पीडितको उजुरीको आधारमा उनलाई मंगलवार बिहान पक्राउ गरिएको प्रहरीले जनाएको छ । प्रहरीका अनुसार नाबालिका गत बिहिबार रावलसँगै दैलेखबाट नेपालगन्ज घुम्न भन्दै आएकी र रावलले छाडेर सम्पर्क बिहिन भएपछि नाबालिकाका परिवारले जबर्जस्ती करणी अभियोगमा उजुरी दिएका थिए ।
किशोरीका आफन्तले किशोरीलाई गत बिहीवार नेपालगञ्ज घुम्न जाउँ भनि ललाई फकाई बाँके पुर्याएको र नेपालगञ्ज उपमहानगरपालिका १ पुष्पलाल चोकस्थित एक होटलमा लगेर बलात्कार गरेको किटानी उजुरी परेपछि रावललाई पक्राउ गरिएको बाँके प्रहरी प्रवक्ता डीएसपी नारायण डाँगीले बताए ।
पक्राउ परेका रावल माथि नाबालिका बलात्कार अभियोगमा मुद्दा दर्ता गरि थप अनुसन्धान भइरहेको प्रहरीले जनाएको छ ।
प्रतिक्रिया