काठमाडौं । बहुप्रतिक्षित विद्यालय शिक्षा ऐन २०८० को विधेयक संसदमा दर्ता भएको छ। मन्त्रिपरिषदको बैठकबाट पारित भएसँगै शिक्षा विज्ञान तथा प्रविधि मन्त्रालयले विधेयक संसद् सचिवालयमा दर्ता गराएको हो।
संसद्मा दर्ता भएसँगै सांसद्हरूले विधेयकमाथि छलफल गरेर अगाडि बढ्ने बाटो खुलेको छ। प्रक्रिया अनुसार दर्ता भएको विधेयक अब बस्ने संसद् बैठकमा छलफलका लागि पेश हुने मन्त्रालयका प्रवक्ता दीपक शर्माले बताए ।
ससंद्ले सिधै पास गरेर अघि बढ्ने वा संसदीय समितिमा पठाउने भन्ने विषयमा भने संसदमा पेशभएपछि मात्र निर्णय हुनेछ। प्रवक्ता शर्माले परम्परा अनुसार संसदीय सिमितमा पठाएर छलफलमार्फत निर्णय हुन सक्ने बताए ।
यसअघि गत साउन १६ गतेको मन्त्रिपरिषद् बैठकले संसद्मा पेश गर्ने निर्णय गरेको भएपनि विधेयकमाथि चौतर्फि विरोध भएपछि सरकारले पुनः संशोधन गरेर अघि बढ्ने भन्दै संसद्मा दर्ता गराएको थिएन।
मस्यौदामा व्यापक संशोधन गरेपछि मन्त्रीपरिषद् बैठकले पारित गरेर संसदमा पेश गर्ने निर्णय गरेको थियो।
यस्तो छ विधेयक :
प्रतिक्रिया