खजुरा तीज महोत्सवमा काठमाडौंबाट कलाकार बोलाइने

नेपालगन्ज । बाँकेको खजुरा एक नम्बर बजारमा पहिलो पटक आयोजना हुन गैरहेको खजुरा तीज महोत्सव तथा सांस्कृतिक कार्यक्रममा राष्ट्रिय कलाकारले समेत प्रस्तुती दिने भएका छन ।

खजुरामा सामाजिक कार्यमा क्रियासिल रहेको आदर्श युवा सञ्जालको मुख्य आयोजनामा असोज १ गते तीजको दिनमा हुन लागिरहेको तीज महोत्सवमा चर्चित लोक तथा दोहोरी गायिका टिका पुन र जय देवकोटाले प्रस्तुती दिने तय भएको सांस्कृतिक उप समितिका संयोजक खगेन्द्र दाहालले जानकारी दिए । मेरो डान्स युनिभर्सका टप १० मा पर्न सफल डान्सर दिलु सुनारको प्रस्तुती पनि राखिने भएको दाहालले बताए ।

युवा सञ्जालको मुख्य आयोजना र स्थानीय न्यु डाँफे स्पोर्टस क्लव, बागमति स्पोर्टस क्लव, हिमालय सामुदायिक क्लव, न्यु दर्पण युवा क्लवको सह आयोजनामा हुन गैरहेको तिज महोत्सवमा सामुहिक तीज न्यृत्य प्रतियोगिता र एकल तिज न्यृत्य प्रतियोगिता समावेश गरिएका छन् ।

बाँके जिल्लाकै ठुलो धनराशि पुरस्कारमा राखिएको कारणले पनि प्रतियोगि समुहहरुको सहभागिता उल्लेखनिय रहने आयोजकले अपेक्षा गरेको छ । सामुहिक तर्फ प्रथम हुने टिमले ५० हजार नगद पुरस्कार पाउने छन् । त्यस्तै दोश्रो हुने टिमले ३० हजार, तेश्रो हुने टिमले १५ हजार र सान्तावना हुने टिमले नगद १० हजार पाउने सांस्कृतिक उप समितिका संयोजक दाहालले जानकारी दिए । एकल तीज गीत न्यृत्य प्रतियोगिताका विजयीहरुका लागि आर्कषक सुनका गहना उपहार पुरस्कारको रुपमा व्यवस्था गरिएको सञ्जालका अध्यक्ष कल्पना तामाङ्गले जानकारी दिइन् ।

तीज महोत्सवको मुख्य उदेश्य रमाइलो मात्र नभएर सामाजिक सेवा र युवा बीचको एकता रहेको सञ्जालका अध्यक्ष तामाङ्गले बताइन् । महोत्सव हेर्न आउने दर्शकलाई निःशुल्क खानेपानीको व्यवस्था गर्न लागिएको सञ्जालका सदस्य तथा आर्थिक व्यवस्थापन उप समितिका संयोजक भरत जैसिले जानकारी दिए ।

खजुराको एक नम्बरमा हुने तीज महोत्सवलाई ५ देखी ७ हजार बढि दर्शकले अवलोकन गर्ने आयोजकले अपेक्षा गरेको छ । महोत्सवको उद्घाटन समारोहमा नैमति बाजा बजाएर पन्चकन्या सहित सुरुवात गरिने गरि तयारी भैरहेको सञ्जालका सचिव सुवास निरौलाले जानकारी दिए ।