बुटवल। बुटवलमा युवामाझ लोकप्रिय रहेका नेकपा एकीकृत समाजवादीका केन्द्रीय सदस्य राजु गुरुङले पार्टी परित्याग गरेको घोषणा गरेका छन् । उनले बिहीबार सामाजिक सञ्जाल फेसबुकमा स्टाटस पोष्ट गर्दै आफु स्वतन्त्र बामपन्थी भएको जनाएका छन् ।
उनले फेसबुकमा लेखेका छन् -‘आजबाट स्वतन्त्र बामपन्थी आहा क्या टाउको हलुङ्गो ।’
एकीकृत समाजवादीका लुम्बिनी प्रदेश सचिव समेत रहेका गुरुङ एमाले विभाजित भएर बनेको एकीकृत समाजवादीमा सुरुदेखि नै सक्रियरुपमा संलग्न रहँदै आएका थिए ।
उनले गत प्रतिनिधि सभा निर्वाचनमा रुपन्देही क्षेत्र नं २ बाट गठबन्धनको तर्फबाट उम्मेदवारी दर्ता गरेपनि कसैको उजुरी बिना निर्वाचन आयोगले उनको उम्मेदवारी खारेज गरिदिएको थियो ।
आफू तत्काल कुनै पार्टीमा जाने सोच नरहेको उनले बताएका छन् । खबरकुरासंग कुरा गर्दै उनले फेसबुकमा जे लेखियो त्यही नै सत्य भएको बताए । उनले राजनीतिमा देखिएको अपराधिकरण र ब्यापारिकणका कारण पार्टी राजनीतिबाट अलग हुने निर्णय गरेको जनाए ।
राजनीति पुरै अपराधिकरणमा रुपान्तरण भएपछि आफुले यस्तो निर्णय लिएको बताउँदै गुरुङले बर्गिय आन्दोलनबाट भने आफु अलग नभएको जनाए । स्वतन्त्र हैसियतले सामाजिक तथा बर्गिय आन्दोलनमा आफ्नो सक्रियता कायम रहने उनको भनाई छ ।
एकीकृत समाजवादी पनि अपराधिक राजनीतिमा संलग्न भएको हो ? भन्ने खबरकुराको प्रश्नमा उनले नेपालका राजनीतिकदलहरु अपराधिकरणबाट कोही चोखो नभएको बताए ।
प्रतिक्रिया