नेपालगन्ज । थारु समुदायको महत्वपूर्ण पर्व बड्का अटवारीका अवसरमा लुम्बिनी प्रदेश सरकारले प्रदेशका ३ जिल्लाका थारु समुदायलाई सार्वजनिक बिदा दिने भएको छ । भाद्र ३१ गते पर्ने बड्का अटवारी पर्वमा बाँके, दाङ र बर्दियाका अटवारी मान्ने समुदायलाई बिदा दिने निर्णय गरिएको प्रदेश सरकारको गृहमन्त्रालयले विज्ञप्ति मार्फत जानकारी दिएको छ ।
अटवारी पर्वमा थारु समुदायलाई मात्र विदा दिइएकोमा केही थारु अगुवाहरुले आपक्ति जनाएका छन् । थारुले नमान्ने पर्वहरुमा राष्ट्रिय विदा दिने सरकारले थारु समुदायको पर्वमा थारुलाई मात्र विदा दिएर विभेद गरिएको उनीहरुले बताएका छन् । थारु समुदायलाई मात्र विदा दिँदा थारु विद्यार्थीहरुको कोर्ष छुट्ने भएकाले थारु पर्वमा पनि राष्ट्रिय विदा दिनुपर्ने उनीहरुको माग छ ।
थारु अगुवा बालिका चौधरीले इद, जितीया, ल्होछार, क्रिसमस जस्ता पर्वहरु थारुले नमानेपनि विदा दिईने तर थारुको पर्वमा थारुलाई मात्र विदा किन ? भन्दै सामाजिक सञ्जालमा प्रश्न उठाएकी छन् ।
प्रतिक्रिया