बारामा गोली चल्यो, भारतीय युवकको मृत्यु

बिरगन्ज । बारामा गए राती गोली प्रहार गरि एक भारतीय युवकको हत्या गरिएको छ ।

मोतिहारी जिल्ला दर्पाथाना सुक्लहियाका २२ वर्षीय अजितकुमार सिंहलाइ बारामा गोली प्रहार गरी हत्या गरिएको प्रहरीले जनाएको छ । प्रहरीका अनुसार बाराको पचरौता नगरपालिका ६ लक्ष्मिनियामा सिंह माथि गोली प्रहार भएको हो ।

मंगलवार बेलुकी अन्दाजी ६ बजे पछि गोली प्रहार भएको बाराका प्रहरी प्रवक्ता डिएसपी ददिराम न्यौपानेले जानकारी दिए । उनका अनुसार मृतक सिंह साथीहरुसँग मोटरसाइकल चढेर नेपाल आएको बेला उनको हत्या भएको हो । प्रारम्भिक अनुसन्धान अनुसार उनकै साथीले उनी माथी गोली चलाएको देखिएको छ ।

मृतकको शव नारायणी अस्पताल बिरगन्ज ल्याईएको छ । सो घटनाको बारेमा थप अनुसन्धान भईरहेको प्रहरीले जनाएको छ ।