बुटवल । खानेपानी निर्माण तथा उपभोक्ता समूह बुटवल-११ बुद्धनगरले बिहीबार रक्तदान कार्यक्रम सम्पन्न गरेको छ । सामाजिक क्षेत्रमा काम गर्दै आइरहेको समूहले नियमित कार्यक्रम अन्तर्गत ९ औं पटक रक्तदान गरेको हो ।
सो अवसरमा बोल्दै खानेपानी निर्माण तथा उपभोक्ता समूहका अध्यक्ष आशिष सुर्यवंशीले नियमित रक्तदान गर्दै आइरहेको बताए । सामाजिक काममा सक्रिय, पारदर्शी र खानेपानी सर्वसुलभ शुल्कमा उपलब्ध गराउने संस्थाको नाममा परिचय बनाएको छ ।
उनले खानेपानी संस्थाबाट धेरै रक्तदान गर्ने संस्थामा आफूहरू पहिलो रहेको बताए । उनले आगामी दिनमा पनि यस्ता सामाजिक कार्य गर्दै आफूहरू अगाडि बढने स्पष्ट पारे । खानेपानी समूहमा १ हजार १६६ उपभोक्ता रहेका छन । सो अवसरमा ६० युनिट भन्दा बढी रगत संकलन भएको संस्थाले जनाएको छ ।
समूहले सहरी स्वास्थ्य चौकी र स्कूललाई निशुल्क खानेपानी उपलब्ध गराउदै आएको छ । समूहका अध्यक्ष आशिष सुर्यवंशीको अध्यक्षता, उपाध्यक्ष जगतनारायण मण्डलको स्वागत तथा सचिव अर्जुन जिसीको सञ्चालनमा कार्यक्रम सम्पन्न भएको थियो ।
प्रतिक्रिया