नेपालगन्जमा सुरक्षा समितिको बैठक बस्दै, कर्फ्युका बारेमा नयाँ निर्णय आउने

नेपालगन्ज । नेपालगन्जमा आज तेस्रो दिन पनि कर्फ्यु आदेश कायम रहेको छ । कर्फ्यु कार्यान्वयन गराउन नेपालगन्जका चोकचोकमा ठूलो संख्यामा सुरक्षाकर्मी तैनाथ गराइएको छ । मंगलबार दिउँसो १ बजेदेखि लगाइएको कर्फ्यु सम्बन्धमा नयाँ कुनै निर्णय सार्वजनिक भएको छैन ।

बुधबार बसेको सर्वदलीय तथा सर्वपक्षिय बैठले कर्फ्युलाई विस्तारै खुकुलो बनाउदै हटाउन सुरक्षा समितिलाई अनुरोध गरेको थियो । बैठकको सिफारिस अनुसार आज विहान ८ बजे सुरक्षा समितिको बैठक डाकिएको छ । सुरक्षा समितिको बैठकले कर्फ्युलाई खुकुलो बनाउदै हटाउने अपेक्षा गरिएको छ ।

मंगलबार एकाएक अशान्त बनेको नेपालगन्ज् त्यसपछि शान्त रहेको छ । बुधबार दिनभरी र रातीको अवस्थालाई विश्लेषण गरेर सुरक्षा समितिको बैठकले कर्फ्युका विषयमा निर्णय गर्ने बुझिएको छ ।