काठमाडौं । सरकारले आज राष्ट्रिय शोकको घोषणा गरेको छ । पश्चिम एसियाको राष्ट्र इजरायलमा दिवङ्गत १० जना नेपालीहरुप्रति सम्मान व्यक्त गर्दै सरकारले आज राष्ट्रिय शोक घोषणा गरेको हो ।
सार्वजनिक बिदा नदिई राष्ट्रिय शोकको मात्रै घोषणा गरेको सञ्चार तथा सूचना प्रविधि मन्त्री रेखा शर्माले जानकारी दिईन । आज सबै सरकारी कार्यालय तथा विदेश स्थित कुटनीतिक नियोगहरुमा राष्ट्रिय झन्डा आधा झुकाउने सरकारले निर्णय गरेको छ ।
सोमबार आकस्मिक रुपमा बसेको मन्त्रीपरिषद बैठकले इजरायलमा मारिएकाहरुका पीडित परिवारलाई जनही १० लाख रुपैयाँ राहत दिने निर्णय पनि गरेको थियो ।
पश्चिम एसियाली राष्ट्र इजरायलमा गत शनिवार प्यालेष्टाइनी अतिवादी समुह हमासले अचानक आक्रामण गरे पछि ‘पढने पनि कमाउने पनि’ कार्यक्रममार्फत इजरायल पुगेका १० जना नेपालीको हत्या भएको थियो । सोही हत्याको शोकमा सरकारले आज राष्ट्रिय शोकको घोषणा गरेको हो ।
प्रतिक्रिया