काठमाडौं । आफ्नै पार्टी सभापतिप्रति बगावत गर्दै कोशीमा एमालेसँग मिलेर आफ्ना नेतालाई मुख्यमन्त्री बनाएपछि कांग्रेस नेता शेखर कोइरालाले बालुवाटार पुगेर गठबन्धनमा प्रतिवद्ध भएको कागजमा सही गरेका छन् ।
प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र वरिष्ठ नेता शेखर कोइरालाबीच आज बिहान गठबन्धनलाई कमजोर हुन नदिने विषयमा प्रतिवद्धता आएको हो ।
तीन नेताबीच कोशी प्रदेशमा सरकार गठनका सम्बन्धमा देखिएको समस्या र केन्द्रमा सत्ता गठबन्धनलाई थप सुदृढ बनाउने सम्बन्धमा छलफल भएको थियो ।
छलफलमा कोशी प्रदेशमा सत्ता गठबन्धनकै सरकार सञ्चालन गर्न सहमत हुनुका साथै नेपाली कांग्रेस, माओवादी केन्द्रसहितका दलहरुको बर्तमान संयुक्त गठबन्धनप्रति थप दृढ र स्पष्ट रहेको प्रस्ट पार्दै यो गठबन्धनलाई कुनै पनि हालतमा कमजोर हुन नदिने लिखित प्रतिवद्धता व्यक्त गरिएको छ ।
प्रतिक्रिया