नेपालमा विदेशी मुद्राको सञ्चिति झण्डै १६ अर्ब पुग्यो

काठमाडौं । नेपालमा विदेशी मुद्राको सञ्चिति थप बढेको छ । नेपाल राष्ट्र बैंकले विदेशी मुद्राको सञ्चिति झण्डै १६ खर्ब रुपैयाँ हाराहारी पुगेको जनाएको छ ।

यो सञ्चिति १ वर्ष भन्दा बढिको वस्तु खरिद गर्न सक्ने अवस्थामा पुगेको छ। यो सञ्चिति पर्याप्त रहेको राष्ट्र बैंकले जनाएको छ ।

राष्ट्र बैंकले चालु आर्थिक वर्ष २०८०/०८१ को पहिलो दुई महिनाको आर्थिक तथा वित्तीय स्थितिको तथ्यांक सार्वजनिक गर्दै विदेशी मुद्राबारे जानकारी गराएको हो ।

गत साउनमा नेपालसँग १५ खर्ब ७३ अर्ब १२ करोड रुपैयाँ रहेको विदेशी मुद्राको सञ्चिति रहेको थियो । तर एक महिनाको बीचमा झण्डै २५ अर्ब ७८ करोड रुपैयाँ थप भएको छ । राष्ट्र बैंकका अनुसार भदौ मसान्तसम्म १५ खर्ब ९८ अर्ब ९० करोड रुपैयाँ पुगेको छ । यो वृद्धि ३.९ प्रतिशत हो ।

अमेरिकी डलर २।६ प्रतिशतले वृद्धि भई १२ अर्ब १ करोड पुगेको छ। २०८० असार मसान्तमा ११ अर्ब ७१ करोड अमेरिकी डलर रहेको थियो ।