काठमाडौं । नेपालमा कुल विदेशी मुद्रा सञ्चिति २५ खर्ब रुपैयाँ नाघेको छ ।
नेपाल राष्ट्र बैंकले जारी गरेको नयाँ तथ्यांकअनुसार कुल वैशाख महिनासम्म कुल विदेशी मुद्रा सञ्चिति २५ खर्ब १२ अर्ब ९५ करोड पुगेको हो ।
गत असारको तुलनामा वैशाख मसान्तसम्म विदेशी मुद्रा सञ्चिति २३.१ प्रतिशतले वृद्धि भएको राष्ट्र बैंकले जनाएको छ । गत असारमा २० खर्ब ४१ अर्ब १० करोड रुपैयाँ सञ्चिति रहेको थियो । यसमध्ये वैशाख मसान्तसम्म अमेरिकी डलरको सञ्चिति गतवर्षको तुलनामा २०.५प्रतिशतले वृद्धि भै १८ अर्ब ४० करोड पुगेको छ ।
नौ महिनाको आयातलाई आधार मान्दा मुलुकको कुल विदेशी मुद्रा सञ्चितिले १७.४ महिनाको वस्तु आयात र १४.६ महिनाको वस्तु तथा सेवा आयात धान्न सक्ने राष्ट्र बैंकले उल्लेख गरेको छ ।
प्रतिक्रिया