नेपालविरुद्ध यूएईको मध्यम प्रदर्शन, गुल्सनले लिए चौथो विकेट

काठमाडौं । नेपाल त्रिदेशीय शृङ्खलाको पहिलो खेलमा युनाइटेड अरब इमिरेट्स (यूएई) विरुद्ध नेपाललाई गुल्सन झाले नै चौथो सफलता दिलाएका छन् । यसअघि यूएईको तेस्रो विकेट पनि गुल्सनले नै लिएका थिए ।

मुलपानीस्थित माथिल्लो मुलपानी क्रिकेट मैदानमा टस जितेर फिल्डिङमा आएको नेपालले नवौँ ओभरको चौथो बलमा चौथो विकेट लिएको हो ।

नेपालका गुल्सनले गरेको बलमा यूएईका आसिफ खान सन्दीप जोराबाट क्याच भए । आसिफ १५ रन बनाएर आउट भए ।

जारी खेलको १३ ओभर समाप्त हुदा यूएईले चार विकेट गुमाएर ८१ रन बनाएको छ । यसअघि नेपालका लागि पहिलो विकेट सोमपाल कामीले पहिलो ओभरमै लिएका थिए । यस्तै करण केसीले दोस्रो सफलता दिलाएका थिए ।

शृङ्खलामा नेपाल, यूएई र हङकङ सहभागी छन् ।