खजुरा । बाँकेको खजुरा गाँउ पालिका वडा नम्बर ५ का वडा अध्यक्ष गरिबे शेखले वडा भित्रका विद्यार्थीहरुलाई न्यानो कपडा वितरण गरेका छन् । वडा कार्यालयको तर्फबाट वडामा रहेका मदरसा तथा सामुदायिक विद्यालयका विद्यार्थीहरुलाई शेखले न्यानो कपडा वितरण गरेका हुन् ।
मधेसी र मुस्लिम समुदायका बाहुल्यता रहेको वडामा विद्यार्थीहरुलाई शिक्षा र विद्यालय प्रति आकर्षण बढाउन न्यानो कपडा वितरण गरिएको वडा अध्यक्ष शेखले बताए । उनले वडामा विद्यालय छाड्ने प्रबृत्ति बढी देखिउकाले विद्यालयमा विद्यार्थीलाई रोक्न बिभिन्न कार्यक्रम अन्तर्गत न्योनो कपडा वितरण गरिएको बताए ।
वडाले मदरसा समिया अरबियामिसवाहा उल उलम, मदरसा इस्लामिया इमरानुल उलम, नेपाल राष्ट्रिय प्राथमिक विद्यालय लगायतका विद्यालयका शिशु कक्षा देखि ५ कक्षा सम्ममा अध्ययनरत करिव ६ सय विद्यार्थीलाई न्यानो कपडा उपलब्ध गराइएको वडा अध्यक्ष शेखले बताए ।
सो बस्तीहरुमा सानो उमेरमा मात्र विद्यालय जाने र किशोरावस्था नपुग्दै विद्यालय जान छाड्ने प्रचलन जस्तै बनेको छ । विद्यालय छाड्ने क्रमलाई रोक्न न्यानो कपडा बांडिएको अध्यक्ष शेखले बताए ।
प्रतिक्रिया