काठमाडौं । बडादसैंको टीका जमरा थाप्ने क्रम आज पनि जारी रहेको छ । आश्विन शुक्ल पक्षको द्वादशी, बडादशैँको टीका लगाउने क्रम बिहीबार पनि जारी रहेको छ।
नवरात्रभर नवदुर्गा भवानीको पूजा अर्चना गरी विजयादशमीका दिन मान्यजनको हातबाट प्रसाद लगाउने चलन रहेपनि हिन्दु धर्म अन्तर्गतका अधिकांस समुदायले कोजाग्रत पूर्णिमाको दिनसम्म टीका जमरा लगाउने गर्दछन् ।
मुख्यदिन दसैंका दिन घरमा मान्यजनको हातबाट टीका लगाएसँगै सर्वसाधारण आफन्तकहाँ जाने क्रम सुरु हुन्छ ।
पूर्णिमाको दिन सम्म टाढा रहेका बन्धु, मावली र ससुरालीकहाँ टीका लगाउन जाने चलन छ।
आश्विन शुक्ल पूर्णिमा अर्थात् कोजाग्रत पूर्णिमाका दिन जमरा विसर्जन गरेर शडा दसैंका सम्पूर्ण कार्यक्रम सम्पन्न हुने गर्दछ ।
प्रतिक्रिया