बुटवल । बुटवलबाट दसैंको टीका थाप्न सुसुराली पाल्पा पुगेका एकजनाको मृत्यु भएको छ । बुधबार टीका लगाएर सुतेका बुटवल १२ तामनगरका पर्वत थापा मृत अवस्थामा फेला परेको प्रहरीले जनाएको छ ।
बुधबार टीका थाप्न पाल्पाको पूर्वखोला-२ जल्पा पुगेका पर्वत थापा खाना खाएर सुतेकोमा उनकी श्रीमतीले मध्यराती उठाउँदा नउठेपछि उपचारका लागि पाल्पा मिसन अस्पताल पुर्याउँदा चिकित्सकले मृत घोषणा गरिदिएको पाल्पा प्रहरी प्रवक्ता डीएसपी सुगन्ध श्रेष्ठले जानकारी दिए ।
घटनाको सम्बन्धमा प्रहरीले अनुसन्धान थालेको डीएसपी श्रेष्ठले बताए ।
प्रतिक्रिया