काठमाडौं । सर्वोच्च अदालतको आदेश लगत्तै रिगल ढकाल पक्राउ परेका छन् ।
सर्वोच्चको इजलासले ढकाललाई कैद मिनाहा दिने सरकारको निर्णय बदर गर्दै उनलाई तत्काल पक्राउ गर्न आज आदेश जारी गरेको थियो ।
जिल्ला प्रहरी कार्यालय, बाँकेको टोलीले रिगललाई पक्राउ गरेको हो । अदालतको आदेशसँगै पक्राउ परेका ढकाल अब बाँकी रहेको ११ वर्ष ११ महिना ११ दिन थुनामा रहनेछन् ।
संविधान दिवसको अवसर पारेर सरकारले रिगललाई गत असोज ३ गते रिहा गरेको थियो ।
रिगल रिहा भएलगत्तै उनीद्वारा हत्या गरिएका चेतन मानन्धरकी पत्नी भारती मानन्धरले माफी मिनाहाविरुद्ध सर्वोच्चमा रिट दायर गरेकी थिइन । भारती असोज १७ गतेदेखि अनसनमा बसेकी थिइन ।
प्रतिक्रिया