आईसिसी टी-२० विश्वकप छनोट : उपाधिका लागि नेपाल र ओमान भिड्दै

काठमाडौं ।  टी-२० विश्वकप एसिया क्षेत्र छनोटको फाइनलमा नेपालले आज (आइतबार) ओमानसँग खेल्दैछ । खेल आइतबार बिहान ११ बजे, काठमाडौंको कीर्तिपुरस्थित त्रिवि क्रिकेट मैदानमा हुनेछ ।

फाइनल पुगेका नेपाल र ओमानले टी-२० विश्वकपमा स्थान पक्का गरेका छन् । नेपालले संयुक्त अरब ईमिरेट्स (यूएई)लाई ८ विकेटले हराउँदै फाइनलमा स्थान पक्का गरेको थियो । यस्तै, ओमानले बहराइनलाई १० विकेटले हराएर फाइनलमा स्थान बनाएको थियो ।

नेपालले समूह चरणमा ओमानसँग ५ रनले पराजित भएको थियो । सोही हारको बदला लिँदै उपाधि जित्ने लक्ष्यका साथ नेपाल मैदान उत्रिनेछ । ओमान पनि नेपाललाई घरेलु मैदानमा पुनस् स्तब्ध पार्दै उपाधि जित्ने लक्ष्यमा हुनेछ ।