देशैभर तिहारको रौनक (फोटोफिचर)

नेपालगन्ज । उज्यालो पर्वकारुपमा पहिचान बनाएको दीपावलीले देशैभर झिलीमिली बनाएको छ । लोडसेडिङलाई इतिहास बनाउँदै विद्योत प्राधिकरणले निरन्तर विद्युत सप्लाई उपलब्ध गराएपछि देशै भर झिलीमिली बनेको हो ।

२०७३ को लक्ष्मीपूजाको दिनदेखि लोडसेडिङको अन्त्य भएसँगै नेपालीहरुले तिहारलाई उज्यालो पर्वकारुपमा मनाउन पाएका हुन् । त्यस अघिका झण्डै १ दशक दिनको १८ घण्टा सम्म लोडसेडिङ खेपेका नेपालीहरुले त्यस यता नगन्य विद्युतको समस्या खेपेपनि चाडपर्वमा निरन्तर विद्युत सेवा पाएका छन् ।

धनतेरसकै दिनबाट घरहरुमा विद्युतिय झिलीमिली जडान गरेका नेपालीहरुले आजसम्ममा प्राय सबै घरमा विद्युतिय उपकरण जडान गरेको देखिएको छ । काठमाडौं लगायतका शहरहरुमा रातनै नपरेको आभास हुने गरि विद्युतिय बत्ति जडान गरिएका छन् । शहरबजारमा फूलहरुको पसल र मिठाई तथा रङहरुको पसलमा पनि निकै भिडभाड लागेको छ ।