६ मंसिर २०८३, आइतबार | November 23, 2026

सरकारी निर्णय अवज्ञा गर्दै गोरखापत्रको अनलाईनले राखेन नेपाल संवत्



नेपालगन्ज । सरकारले नेपाल संवत्‌लाई राष्ट्रिय मान्यता दिँदै सरकारी कागजातमा नेपाल संवत् उल्लेख गर्ने निर्णय गरेपनि सरकारकै स्वामित्वमा रहेको गोरखापत्रको अनलाईन् संस्करणले आफ्नो प्रकाशनमा नेपाल संवत् प्रयोग गरेको छैन । यसवर्षको नेपाल संवत् सुरु भएको गत २८ गतेबाट सरकारी कागजातमा नेपाल संवत् उल्लेख गर्ने सरकारी निर्णयको गोरखापत्रले अवज्ञा गरेको हो ।

नेपाल संवत् ११४४ प्रारम्भ भएको अवसरमा भक्तपुरमा आयोजित कार्यक्रमबाट प्रधानमन्त्री पुष्पकमल दाहाल प्रचण्डले नेपाल संवत्‌ले राष्ट्रिय मान्यता पाउने घोषणा गर्दै सोही दिन (कार्तिक २८) बाट सरकारी कागजातमा नेपाल संवत् उल्लेख गर्ने घोषणा गरेका थिए।

नेपाल संवत्लाई मौलिक संवत्‌ भन्दै २०५६ सालको नयाँ वर्षका दिनमा तत्कालीन प्रधानमन्त्री कृष्णप्रसाद भट्टराईले नेपाल संवत्का प्रवर्द्धक शंखधर साख्वालाई राष्ट्रिय विभूति घोषणा गरेका थिए।​

विसं २०६५ मा तत्कालिन प्रधानमन्त्री प्रचण्डले नेपाल संवत्‌ले राष्ट्रिय मान्यता पाउने घोषणा गरेका थिए। कात्तिक कृष्ण औंसीका दिन बही खाता बन्द गरी नयाँ वर्ष अर्थात् कात्तिक शुक्ल प्रतिपदाका दिन नयाँ बही खाताको सुरुवात गर्ने परम्परा काठमाडौंमा अझै छ।

राष्ट्रिय विभूति शंखधर साख्वाले विसं ९३७ (इ सं ८८०) मा गरिब जनताको ऋण मोचन गरी नेपाल संवत्‌को सुरुवात गराएको इतिहासकारहरुले बताउँदै आएका छन्।

 

प्रकाशित मिति : ३० कार्तिक २०८०, बिहिबार  १० : २० बजे

Your email address will not be published.

प्रधानमन्त्रीको भारत भ्रमण : हवाई मार्ग खुल्ने आशमा लुम्बिनी

बुटवल । प्रधानमन्त्री वालेन्द्र शाहको भारत भ्रमणसँगै लुम्बिनी क्षेत्रमा नयाँ

प्रधानमन्त्री शाहसँग भारतीय विदेशमन्त्रीको शिष्टाचार भेट

नयाँदिल्ली । छिमेकी मित्रराष्ट्र भारतको दुईदिने राजकीय भ्रमणमा यहाँ रहेका

प्रधानमन्त्री शाह नयाँदिल्लीमा, राज्यमन्त्री जितिनद्वारा स्वागत

नयाँदिल्ली । प्रधानमन्त्री वालेन्द्र शाह दुईदिने राजकीय भ्रमणका लागि भारतको

प्रधानमन्त्री बालेन भारत प्रस्थान, लिएनन् सम्मान गारद

काठमाडौं । प्रधानमन्त्री बालेन्द्र शाह बालेन भारत प्रस्थान गरेका छन् ।

सामान्य रूपमा नयाँ दिल्ली प्रस्थान गर्दै प्रधानमन्त्री बालेन

काठमाडौं । प्रधानमन्त्री बालेन्द्र शाह बालेन आइतबार दिउँसो दुई दिने