बर्दिया । बर्दियामा आज एक महिलाको बाघ आक्रमणबाट मृत्यु भएको छ । राजापुर नगरपालिका–१० सुकुम्बासी टोल निवासी २५ वर्षीया ममता सुनारको आज घाँस काट्ने क्रममा बाघको आक्रमणमा परी मृत्यु भएको हो ।
जिल्ला प्रहरी कार्यालय बर्दियाका सूचना अधिकारी प्रहरी नायव उपरीक्षक तुलसीराम अर्यालका अनुसार बाघको आक्रमणमा २५ वर्षीया सुनारको मृत्यु भएको र उनीसँगै रहेका दुई महिला घटनालाई देखेर बेहोस भएका थिए।
आज दिउसो करिव १२ः३० बजे राजापुर नगरपालिका(१० सुकुम्बासी वस्ती नजिक रहेको वनमा बाघले आक्रमण गरेको प्रहरीले जनाएको छ ।
बितेका चार वर्षमा नेपाल–भारत सिमानामा पर्ने वन क्षेत्रमा बाघको आक्रमणबाट राष्ट्रिय वन र निकुञ्ज क्षेत्रमा गरी ३५ जनाको ज्यान गइसकेको छ ।
प्रतिक्रिया