बुटवल । रुपन्देहीको तिलोत्तमा स्थित ड्राइभरटोलमा मोटरसाईकल दुर्घटना हुँदा २ जनाको मृत्यु भएको छ । उनीसँगै मोटरसाईकलमा सवारी एक महिलाको पनि दुर्घटनामा परी मृत्यु भएको हो ।
दुर्घटनामा परी माधव देवकोटा र मोटरसाईकलको पछाडी सवार यादा क्षेत्रीको मृत्यु भएको इलाका प्रहरी कार्यालय बुटवलका डिएसपी दान बहादुर थापाले जानकारी दिए ।
मृत्यु हुने देवकोटा सहकारी अभियान्ता समेत हुन् । मृत्यु हुने महिला भने तिलोत्तमा नगरपालिका-२ जानकीनगर बस्ने यादा क्षेत्री रहेको डिएसपी थापाले जानकारी दिए ।
मोटरसाईकलमा मणिग्रामतर्फ जाँदै गरेका देवकोटालाई तिलोत्तमा नगरपालिकाको ड्राईभरटोलमा ट्रकले ठक्कर दिएको स्थानीयले बताएका छन् । ठक्करबाट उनीसहित दुवैजनाको मृत्यु भएको डिएसपी थापाले बताए ।
लु ४९ प २२३० नम्बरको मोटरसाईकलमा सवार देवकोटा तिलोत्तमा उद्योग वाणिज्य संघले मणिग्राममा आयोजना गरेको व्यापार मेलातर्फ जाँदै थिए । त्यसक्रममा देवकोटालाई ना ६ ख ८१६१ ट्रकले पछाडीबाट ठक्कर दिएको स्थानीयले बताएका छन् ।
ट्रकको ठक्करले सडकमा पछारिएका दुवैलाई स्थानीयको सहयोगमा क्रिमसन अस्पताल लगिएको थियो । मृतकहरु दुवैको शब मणिग्रामस्थित क्रिमसन अस्पतालमा राखिएको छ ।
प्रतिक्रिया