काठमाडौं । नेकपा एमालेको केन्द्रीय कमिटीको बैठक आज बस्दैछ । बैठक ललितपुरको च्यासलस्थित पार्टी केन्द्रीय केन्द्रीय कार्यालयमा बिहान ११ बजेदेखि सुरु हुने बताइएको छ । एमालेले मंसिर १४ गतेदेखि सुरु गर्न लागेको मध्यपहाडी क्षेत्रको केन्द्रीत अभियानका विषयमा छलफल गर्न केन्द्रीय कमिटीको बैठक बोलाएको हो ।
एमालेले मंसिर १४ गतेदेखि झुलाघाटदेखि चिवाभञ्ज्याङसम्म समृद्धिका लागि सङ्कल्प यात्रा’ अभियान सुरु गर्दैछ । सामाजिक सद्भाव र राष्ट्रिय एकताको प्रवर्द्धनका लागि भन्दै एमालेले मध्यपहाडी लोकमार्ग केन्द्रीत अभियान सुरु गर्न लागेको हो । बैतडीको झुलाघाटबाट उद्घाटन हुने अभियान पाँचथरको चिवाभञ्ज्याङमा पुगेर समापन हुने एमाले नेताहरुले बताएका छन् ।
यस्तै, भ्रातृ संगठन राष्ट्रिय युवा संघ नेपालले बिहीबार काठमाडौंमा गर्ने प्रदर्शन, पार्टीको आन्तरिक जीवन, देशको समसामयिक राजनीतिक अवस्थाका विषयमा पनि छलफल हुने बताइएको छ ।
प्रतिक्रिया