नेपालगन्ज । नेपाली चलचित्रका महानायक राजेश हमालले धारा नेपालगन्ज म्याराथनलाई नेपालगन्जबासीको महा-उत्सव भएको बताएका छन् । सामाजिक सञ्जाल मार्फत धारणा सार्वजनिक गर्दै महानायक हमालले म्याराथन नेपालगन्जबासीको उत्सव भएको बताएका हुन् ।
हमालले नेपालगन्ज म्याराथनसँग आफ्नो भावनात्मक सम्बन्ध रहेको उल्लेख गर्दै आफ्नो जीवनमा पहिलो म्याराथन सहभागिता नै नेपालगन्ज म्याराथन भएको बताएका छन् । उनले आफु यस पटक पनि आफु नेपालगन्जबासीसँग सँगै दौडन नेपालगन्ज आइपुगेको बताउँदै आफुले समसामायिक विषयमा स्थानीयसँग छलफल गर्न चाहेको पनि बताएका छन् ।
आयोजकले महानायकसँग नेपालगन्ज कजक्लेभ मार्फत समाज सिनेमा र साहित्य विषयमा बहस गर्ने व्यवस्था मिलाएको छ । म्याराथन र कनक्लेभमा भाग लिन हमाल आजै नेपालगन्ज आइपुगेका हुन् ।
प्रतिक्रिया